Feb 15, 2011

MGOMO WA DALADALA MWANZA

Siku ya leo imekuwa ngumu kwa wakazi wa Mwanza baada ya magari ya abiria aina ya daladala kugoma kutoa huduma.Watu wenye shughuli zao katikati ya jiji wanaotoka maeneo mbalimbali walikuwa na wakati mgumu baada ya kukusa huduma hii muhimu ya usafiri.Wanafunzi ndio walikuwa na hali mbaya zaidi kwani baada ya masomo walilazimika kutembea kwa miguu,huku wengine wakiwa na njaa kali kutokana na hali ya maisha kua ngumu. Wamiliki wa magari ya daladala wamegoma ili kuishinikiza sumatra iwakubalie kupandisha nauli kutokana na bei ya mafuta kupanda. Leo magari ya watu binafsi yasiyo kwaajili ya kusafirisha abiria yalitumika kusaidia kuwapeleka na kuwarudisha abiria ndani na nje ya jiji la Mwanza kwa bei ya Tsh500 hadi 1000. Mgomo huu umeleta adha kubwa kwa watu wa kipato cha chini waishio nje kidogo ya jiji la Mwanza na vitongoji vyake, kwani iliwalazimu wengine kutembea kwa umbali mrefu ili kwenda kuusaka mkate wao wa kilasiku.Tunaiomba sumatra walitazame hili haraka ili wananchi waweze kuendelea na shughuli zao kama kawaida.

No comments:

Post a Comment

Tafadhali toa maoni yenye kujenga na sikuboa.Lugha chafu zisitumike.